Samanlagt 41 broytingar í ferðslulógini komu í gildi 1. oktober 2009. Tað snýr seg um alt frá allýsing av traktorum og strangari reglum um rúsdrekkakoyring til neyvari krøv um trygdarútgerð til børn og hægri bøtur fyri brot á ferðslulógina. Alt hetta fyri at økja um trygdina hjá teimum ferðandi á vegunum - bæði hjá børnum og vaksnum.

Høvuðsbroytingarnar
Talan er um 8 høvuðsbroytingar, sum taka støði í null-hugsjónini og ferðslutrygdarætlanini frá 2007:

• Nullmark fyri tilvitsávirkandi evnum ella rúsevnum
• Alkoholstyrkin í útandingarluft sum prógv í rúsdrekkamálum og víðkaðar heimildir hjá løgregluni
• Rúsdrekkamarkið lækkar til 0,20 promillur
• Markið millum promillu- og rúsdrekkakoyring er strikað - alt omanfyri 0,20 promillur er rúsdrekkakoyring
• Krav um skeið í rúsdrekka og ferðslu (R/F - skeið)
• Herdar reglur fyri frádøming og revsing í rúsdrekkamálum
• Herdar reglur um trygdarútgerð og forboð móti ferðafólki í last- ella vørurúmi
• Hækkan av sektum

Fá meir at vita um lógarátakið móti rúsdrekkakoyring her
Fá meir at vita um lógarátakið móti trygdarútgerð í bilum, fallhjálmar og hægri bøtur her

Innlendismálaráðið, Akstovan, Ráðið fyri Ferðslutrygd, Landsverk og Politiið.